Dit is geen geheim dat Hoërskool Ellisras oor die afgelope vyf jaar nie net die beste atlete opgelewer het nie, maar ook die titel van Bosveldinterhoërwenners vyf jaar in ‘n ry verwerf het.
Die Bosveld Interhoër is een van die hoogtepunte op die Rassies se sportkalender en is ‘n viering van vaardigheid, spanwerk en die ontembare gees van jong atlete.
Hierdie opwindende vriendskaplike mededinging tussen skole van regoor die streek, ontvlam 'n gees van sportmanskap en gesonde mededinging.
Klim op die podium van uitnemendheid en laat spoed, krag en vasberadenheid jou ook na persoonlike oorwinnings dryf.
Ons boogskietprogram is in die kol! Hier kry jy die geleentheid om jou akkurtaatheid ten toon te stel.
Neem die pad na fiksheid en opwinding in ons fietsryprogram waar vaardighede en stamina ontwikkel word.
Slaan af met strategie en akkuraatheid en ontdek wat die sport gholf vir jou kan inhou.
Ontgun ‘n gesonder, sterker, en meer gebalanseerde jy! Die gimnasium is toegerus vir krag-, kardiovaskulêre en fiksheidsontwikkeling.
Op die hokkieveld, waar spanwerk en vaardigheid saamsmelt, kry ons Rassies die geleentheid om hulle volle potensiaal te ontwikkel.
Slaan ‘n ses met die vaardighede wat jy opdie EHS krieketveld kan aanleer, 'n sport met 'n diep- gewortelde geskiedenis en 'n ryk tradisie.
Skiet ‘n doel wanneer jy jou posisisie inneem op die netbalbaan. Bou jou vaardighede en sportmanskap in hierdie gewilde sportsoort.
Trek aan jou tokse – jy kan deel word van die aksiebelaaide wêreld van rugby, waar adrenalien, strategie en kamaraadskap seëvier.
Wys jou slag! EHS bied jou die geleentheid om nie net op droë land nie, maar ook in die water die pad van sukses aan te pak.
